Aurrekoan, youtuben bideoak ikusten ari nintzela, Wazmankek goenkale imitatu zueneko bideo hau aurkitu nuen. Aurrez ere idatzi nuen wazemanki buruz blog honetan, egiten duten lana benetan ona dela iruditzen baitzait.
Eta bideo honi buruz, zer esanik ez!!! Oso bideo dibertigarria iruditu zait, batez ere Anjel Alkain-ek bakarrik hitz egiten duen zatia. Animo Wazemank segi horrela!!!
eta zuk? zer deritzozu?
Sineskeriak (sinesten al duzu?)
Sineskeriak, superstizio hitzez ere deituak, kasualitatez jazotako gertaera( gatza botatzea, ispilua haustea, hamahiru zenbakia, etab.) etorkizunaren iragarle bailiran hartzeko joera da. gertaera hauek zorte ona edo txarra dakartela uste da.
Zorte onaren iragarle da, adibidez, 7 zenbakia; jaungoikoak 7. egunean hartu baitzuen atseden, 7 dira Erromako zubiaren koloreak, etab. Horrez gain, beti esan izan da ferrak zoriona ekartzen duela( Elorrion ferra sartzen zuten poltsikoan eta iparraldean etxean eskegi). Etorkizun oparoaren seinale da egurra edo zuhaitza ere. Egurrez egin ditugu etxeak, sutarako ere balio du, etab.
Hala ere, badaude hainbat etorkizun txarraren seinale. Oso izen txarra dauka, adibidez, 13 zenbakiak. Biblian, adibidez, Judasek, 13.apostoluak salatu zuen Jesus, eta informatikaren arloan birus batek hilaren 13an erasotzen du. Ezker aldea, ere, zorte txarraren iturri da( norbaitek egun txarra duenean, ezkerreko hankarekin esnatu dela esaten da, eta gurean, ezkerrarekin idazten zuten haurrei bizkarrean lotzen zieten eskua horrela eskuinarekin ikasteko. Baina, ziurrenik entzunena, katu beltza da. Diotenez, deabrua bera da animalia itxura hartuta; Hainbat herrialdetan sorginekin lotzen da eta hauei gogorarazten die gaiztakeriak egitea.
-katu beltza, zorte txarraren seinale
mySchoologi buruzko testua iruzkintzean, nire lagun magic-ek akats bat egin nuela jakinarai zidan. Aplikazioaren “nor gara?” atalean ikus daitekeen moduan, euskaratzea Maite Goñik egin zuen. Beraz, testua zuzen idatzita honakoa da:
“mySchoolog ikasleen eskola-jarduna antolatzeko sareko aplikazio bat da. Agenda modura, Irakasgaiak eta ordutegia antolatzeko aukera ematen du; Zereginak, mezuen bidez, aurretik azaldutako zereginak gogorarazten dizkizu; Apunteak eta Fitxategiak gordetzen ditu;Emaitzak gordetzeko aukera ere ematen du…
ikteroetan euskerazko bertsioaren berri eman zuten bezain laster, kontu berri bat sortu nuen, eta oso gustora nago eskaintzen dituen ezarpenekin.
Aplikazio hau Ahmet Alp Balkan ek sortu zuen, turkiarrez lehenbizi. Euskara eta gaztelerara itzultzea Aitor izeneko Bilbotar batek iruzkindu zuen, eta Maite Goñik burutu, eta ordundik turkiarrez, ingelesez, alemanieraz, italiarrez gazteleraz eta esukeraz erabil dezakegu aplikazio aberasgarri hau.
Animatu eta sartu!”
Barkatu Maite (eta eskerrikasko magic 
)
mySchoolog ikasleen eskola-jarduna antolatzeko sareko aplikazio bat da. Agenda modura, Irakasgaiak eta ordutegia antolatzeko aukera ematen du; Zereginak, mezuen bidez, aurretik azaldutako zereginak gogorarazten dizkizu; Apunteak eta Fitxategiak gordetzen ditu;Emaitzak gordetzeko aukera ere ematen du…
ikteroetan euskerazko bertsioaren berri eman zuten bezain laster, kontu berri bat sortu nuen, eta oso gustora nago eskaintzen dituen ezarpenekin.
Aplikazio hau Ahmet Alp Balkan ek sortu zuen, turkiarrez lehenbizi. Euskara eta gaztelerara itzultzea Aitor izeneko Bilbotar batek iruzkindu zuen, eta ordundik turkiarrez, ingelesez, alemanieraz, italiarrez gazteleraz eta esukeraz erabil dezakegu aplikazio aberasgarri hau.
Animatu eta sartu!
Ostiral gauetan, Telecinco-n, Caiga Quien Caiga (CQC) Humorezko telesaila ikustea gustatzen zait. Erreportari talde honek elkarrizketak, erreportajeak eta beste mila gauza egiten dituzte, humore askorekin beti. Jarraitu horrela!
Atzo, Apirilak 13an, hunkitu ninduen ekintza bat egin zuten: mesede katea. Mesedeen katea objektu sinple batetik abiatu eta hau gauza baliotsuagoengatik aldatzea da; helburu batengatik. CQCko Fran-en helburua benetan ona izan zen: Sipascanchan 3000m-tik gora dagoen eskola bat hobeagotzea, eskola-material berria lortuz eta eraikuntza bera irakaskuntzarako moldatuz.
Fran, eskola horretara bertara joan zen, eta bertako ume baten kapela hartu zuen, gero Espainian bertan aldatzeko. Hasera batean, kaleko jendeari trukatu zion, aldizkari baten truk, aldizkari hau abaniko baten truk, eta hau patata eta arrautz batzuen truk aldatuz. Osagai hauek jatetxe bateko buruari aldatu zion amantal baten ordez, eta gero zenbait pertsona famaturengana jo zuen, jertse bat lortuz, diskoteka bola bat, Dover taldearen bonboa, Juaquín Sabinaren kapela, Shakira-ren harmonika, Rafa Nadal-en trofeo bat eta Almodobaren frak bateraino. Hau Donostiako Eduardo Chillidaren familiari aldatu zion honen koadro baten ordez eta honekin lortu zituen erreportariak beranduago Peru-ra eraman zituen bi kamioirengatik.
Kamioi hauek eskola-materialaz beterik zeuden, eta bertako irakasle, ikasle eta gurasoak asko poztu ziren ikusi zituztenean. Benetan hunkigarria izan zen.
Inauteriak iritsi dira Ordiziara
Inauteriak iritsi dira, urtero bezala. Eta aurten, beste urteetan bezala, ez du Ordizia bazter batera utzi. Ordizian, herriko bi ikastetxeek ( urdaneta eskolak ostegunean eta Jakintza ikastolak ostiralean ) hartu dute parte, beren dantzak herritarrei eskainiaz.
Jakintza ikastetxean, aurten, ohiz dantza egiten duten mailei bi gehiago erantsi zaizkie: Dbh 1 eta Dbh 2.
Lehenengo mailakoek, rokeroen eta rapero berezien dantzak eskaini zituzten, bi abestiak “pirritx eta porrotx”en CDtik hartuak.
Dbh2. mailakook, ordea “High school musical”en “We´re all in this together dantzatu genuen.
Oso ekitaldi alaia izan zen, eta ondoren txokolatada izan genuen.
¬ Hona hemen gure dantza
Zergatik hitz egiten dute euskal gazteek lagunartean gazteleraz?
Egungo gazteek gazteleraz egitea nahiago dutela dirudi, gaztelera erabiltzen baitute herriko jendearekin, edo lagunartean komunikatzeko.
Testu honen bidez, gazteek gazteleraren erabilerarekin egiten duten gehiegikeriaren kausak azaltzen saiatuko naiz.
Alde batetik, gazteek egoera formaletan (ikastetxean…) euskaraz hitz egiten dute beti, baina kalean, eta beraien eremuetan erdaraz hitz egiten dute. Nik, esaterako, euskaraz egin izan dut beti, baina dendetako dendari askok erdaraz egin didate, ni gazteleraren erabilerara bultzatuz.
Bestetik, boterearen hizkuntzaren kontrako jarrera izaten dute gazteek; ikastola eta familiari ( euskaraz gehienetan ) aurka egitearren gaztelerara jotzea, alegia. Adituek, gazteen izaera errebeldeagatik ematen dela diote.
Horrez gain, beren sentimenduak euskaraz adierazteko dituzten zailtasunak daude. Azpeitian eginiko inkesta batek dioenez, hango euskal gazteek euskara erabiltzen dute eguneroko bizitzan, baina ligatzeko, adarra jotzeko edo iseka egiteko orduan, zailtasunak aurkitu eta gaztelerara jotzen dute.
Gurasoek ere eragin handia dute gazteengan. Umeak erdal-giroan heziz gero, erdarara joko dute edozein egoeratan, beren ama-hizkuntza baita gaztelera. Beraz, gurasoen aukera ere bada askotan: hizkuntza ala hezkuntza.
Gainera, telekomunikabideek indar eta eragin handia dute. Telebistako kate gehienek gaztelania erabiltzen dute euren saioetan. Egunkari gehienak, ere, gaztelaniaz dira, kaleko publizitatearen antzera. Gaur egun euskara gehien erabiltzen duen telekomunikabidea irratia da.
Azkenik, euskara bultzatzeko kanpaina ugari, edo eta proiektu ugari sortu direla egia da, baina nolatan hitz egingo dute gazteek euskaraz helduak gazteleraz ikusiz gero? Jakina da gazteek heldu izateko grina handia dutela. Gazteleraz ikusi eta entzuten badituzte helduak, gazteleraz egingo dute, helduak sentitzeko.
Denbora luzez jarrai genezake arrazoiak azaltzen, baina gazteek euskaraz hitz egitea nahi badugu, esfortzu bat egin beharko dugu, gazte naiz zahar izan.
Inoiz pentsatu al duzu begetariano izatea? Zer esan nahi du hitz honek, zehazki? Begetariano hitzaren esanahia animali jatorriko elikagairik ez jatea da. Ni, barazkijalea ez naizen arren, begetariano izatearen alde agertzen naiz.
Alde batetik, dieta barazkijale edo begetarianoa jarraitzeak zenbait gaitz prebenitzen laguntzen du, bihotz gaitzak eta diabetesa, esaterako.
Jakina da zenbait gizon-emakumek argaltzeko hainbat dieta jarraitzen dituztela. Ba, begetarianismoa argaltzeko modurik onenetariko bat da, bestetik.
Begetariano izatearen beste onura bat, hesteetako fermentazioa galarazi eta toxinak kanporatzen laguntzen dituela da.
Egia da dieta honek elikagai-gabezia sor dezakeela, baina, ongi planifikatutako dieta batek behar nutrizional guztiak bete ditzake, hazte prozesuan dauden pertsona, haurdun, kirolari eta baita adinduetan ere.
Munduko gosetea da barazkijale izateko beste arrazoi bat, ekoizturiko haragi kiloko 4 pertsonek gosea pasatzen baitute. Eta zu lauen horietako bat bazina?
Animaliek ere bizitzeko eskubidea dute; estatistikek diotenez, urtean bost bilioi (5 000 000 000 000) animali hiltzen dituzte haragia lortzeko.
Azkenik, barazkiak haragia baino ekonomikoagoak direla esan behar da.
Hori guztia kontutan hartuta, barazkijalea izatearen alde agertzen naiz, izan ere, behar nutrizional guztiak betetzeaz eta bihotzeko gaitzak gutxitzeaz gain, osasunarentzako oso ona baita.
<img src='/images/begetarianismoa.jpg' alt='' />
